抽脂手術 | 抽脂歷史 | 抽脂手術程序 | 抽脂風險

雖然抽脂是整形手術中最普遍之手術, 但很多人對抽脂這項手術有頗多誤解, 有些人誤以為風險很高; 亦有些人以為這手術簡單不過, 抽脂後會即時變得窈窕.  

抽脂手術之歷史

抽脂手術之歷史, 可追溯至二十世紀, 二十年代. 當時一位法國醫生嘗試利用抽取皮下脂肪的方法來替模特兒塑形, 但結果失敗. 六七十年代其間, 亦有多位美國醫生不斷嘗試, 但手術並不普及. 直至八十年代初, 一位法國醫生在醫學會議一演說中, 講解利用細小造口和負壓抽脂棒, 在安全的情況下, 成功重複為病人抽脂. 始才確定了抽脂手術的有效性及安全性, 而奠定了餘下三十年之發展.

到了九十年代, 科技不斷發展, 先後出現了新的抽脂技術. 分別有超聲波溶脂, 動力輔助抽脂, 激光溶脂, 及後的水刀抽脂等. 其主要目的是使抽脂手術時間縮短, 創傷減小, 提昇效果及安全性.

抽脂手術程序

整個抽脂手術, 最少包括三個程序. 第一是麻醉, 第二是把皮下脂肪分離或溶解, 第三是把脂肪抽取.

麻醉方面可分為局部麻醉, 局部麻醉加靜脈鎮定劑注射, 監測麻醉(俗稱睡眠麻醉), 全身麻醉等等. 局部麻醉風險相對少, 而監測或全身麻醉風險較大, 但屬於可接受範圍.

脂肪分離或溶解則可分為傳統或動力拉扯式, 超聲波溶脂, 激光溶脂或水力輔助式. 一般所說的抽脂技術, 主要區分在這裡(如何分離脂肪細胞).

至於脂肪抽取方面, 則只有負壓力抽脂這一項技術, 再細分下去只不過是手動或電動而已.

抽脂手術風險

抽脂手術能夠屹立至今, 至少有三十年歷史, 必有其原因. 其有效性相信無用致疑; 其風險也隨著科技發展及手術改良而減小. 以往抽脂手術之意外, 主要因麻醉不當, 手術時間過長或大量抽脂而引起. 固選擇較安全的麻醉方法, 控制局部麻醉藥分量及縮小抽脂範圍, 則可大大減少手術意外發生.

抽脂始終是一項手術, 必須有復完期, 不會立即變得窈窕. 復完其間, 被抽脂的位置會出現腫痛瘀青, 一般數星期回復正常. 皮膚也可能出現麻痺, 變硬或痕養, 大多數數月後消失. 至於傷口方面, 因為只有一粒米大小或半厘米, 很小會出現大問題, 最常見是留疤留印, 但隨時間會漸漸改善. 待消腫去瘀後, 最明顯的效果一般會在2-3個月才出現.

據美國整形外科學會統計, 過往十年, 抽脂是最多人次之整形手術. 只要是個案選擇合適, 其風險是可控制而效果是顯著的.

Dr Chan Wing Shung Edward

轉工,搵工一族

時代改變，整形手術同注射式美容療程，愈來愈為人接受。最近呢幾年，每逢暑假，都會睇到南韓或者大陸，有關高中、大學畢業生整容嘅報道。佢哋趁暑假，整雙眼皮、隆鼻，或者改臉型，希望修飾儀容，增加搵工面試嘅競爭力，畀僱主有良好印象，增加搵工機會。

坦白講，點樣容易獲僱主聘用，美麗外表並唔係最重要，面試嘅臨場表現，學業成績，以及工作技能等，都係重要一環。

不過，從心理角度睇，一個順眼或者頗為標緻嘅容貌，確實會增加面試者嘅自信心，亦或多或少令僱主，留下一個較好嘅印象。而近年搵我整形或抽脂嘅病人，亦多咗一類轉工求職人士，同埋由家長帶嚟嘅十八、十九歲女學生。

先講為咗轉工整形抽脂嘅病人，佢哋好多時都係趁轉工前嘅空檔期，略略「執一執」外表，諗住畀我好印象僱主，增取搵工機會。有啲會割雙眼皮，打針瘦面，有啲見大腿外側肥，有小肚腩，或者手臂Bye Bye肉鬆弛，仲會選擇做埋抽脂手術。

佢哋同我講，平日已經好努力Keep Fit做運動同節食，但始終減唔到個小肚腩。

有個做化妝品銷售員嘅patient同我講，話佢哋嗰行壓力好大，若果有小肚腩，bye bye肉，會影響顧客信心，所以希望抽脂重塑身型曲線，轉職其他化妝品公司會大啲機會。至於十八，十九歲嚟抽脂嘅少女，佢哋好多時都係由媽媽帶嚟clinic。啲媽媽好多本身都試過抽脂或者整形，所以帶個女求診。

-----------------------------------------------------------------------------------------------------------------------------

姑勿論係乜嘢原因要抽脂，我都會同病人解釋清楚，進行抽脂嘅過程外，仲會強調抽脂只係抽取皮下脂肪，重塑身型，絕對唔可以有錯誤觀念，以為抽脂身型曲線靚咗，就一定可以搵到工，得到自己想要嘅嘢。我一定要patient想清楚有冇抽脂需要，先安排做抽脂手術。

好多時patient仲有個錯誤觀念，以為脂肪愈抽得多愈好。其實可唔可以做抽脂手術，要符合各方面條件，唔可以有大吃大喝外，仲唔可以有貧血或者其他長期病患。抽取嘅皮下脂肪，最多只可以抽走六至七成，唔可以過多，因為皮下仲要有正常脂肪運作。

其實，每個抽脂位置，最多只可以做兩次抽脂手術，千奇唔好以為可以做好多次。因為人體嘅脂肪細胞數目喺發育完成後，就已經固定咗。　換言之，當做抽脂手術後，手術位置嘅脂肪細胞數目就會減少咗，唔會再增加。　即使日後抽脂部位再肥番，都係餘下嘅脂肪細胞膨脹而引致。

所以，做抽脂手術後，大家要注意飲食習慣同做運動，切忌大吃大喝！！！

Dr Chan Wing Shung Edward

個案分享：過胖病人

夏天快到，又是曬太陽游水嘅日子。唔少女性擔心身型肥胖，或者局部位置有贅肉，會引來其他人奇異目光，而自行瘋狂節食減肥。 市面好多產品，亦吹噓具有減肥療效，其實全無醫學根據～網上更有人流傳各種古怪減肥法，甚至胡亂將抽脂同減肥混為一談！！

我想強調一點「抽脂不等同減肥」，相信唔少市民仍然有錯誤觀念，以為抽脂是減肥其中一種方法，呢種想法可謂大錯特錯。抽脂是將局部難減嘅部位脂肪抽走，係一種身型雕塑，並不是減肥！！ 好像肚腩、腰兩側、大腿外側同手臂Bye Bye 肉，就係比較難透過運動減走嘅局部脂肪～過去有唔少身型過胖，有大吃大喝習慣嘅女病人，就係誤當減肥係抽脂，被我捥拒進行抽脂微創手術。

-----------------------------------------------------------------------------------------------------------------------------

呢種誤解不時出現，就喺兩星期前，有個廿八歲，身高五呎四吋，體重達二百磅嘅女病人求診。佢係OL，平日喺辦公室成日食零食，收工返屋企，又晚晚食宵夜，佢仲無肉不歡，唔多鐘意食蔬菜，日常更加無做運動嘅習慣。

佢話試過節食減肥，但唔成功，好快又再大吃大喝，仲好鍾意同朋友去酒吧飲酒。為咗減肥，佢試過花費十幾萬元做美容院嘅消脂療程，但都冇咩效。

佢話身型肥胖，成日畀人笑，冇晒自信，性格愈來愈內向。有位auntie就提議佢做抽脂減肥，於是佢就上門搵我。聽完佢嘅情況後，我當場同她解釋，佢並唔適合進行抽脂手術，抽脂同減肥是兩回事。

因為抽脂只係抽皮下脂肪，相反呢位patient大吃大喝嘅飲食習慣，佢嘅胃部同腸臟都會積聚大量脂肪，呢啲內臟位置根本唔可以抽脂。即使同她抽取局部位置嘅皮下脂肪，外觀上亦都唔會有好大嘅改變。

我同病人做抽脂手術前，都會先了解佢哋飲食習慣，用量脂器量度脂肪比例，同埋驗血睇吓身體狀況。肝腎功能差，貧血，糖尿病同高血壓等，都唔可以做抽脂手術。


呢位patient亦都同我講，佢有長期高血壓嘅問題，所以我同她解釋，綜合各方因素，佢係唔適宜做抽脂手術，相反我忠告她要認真改善飲食同生活習慣，先可以控制體重。
由於佢控制唔到食欲，我轉介佢另找醫生診治，睇吓是否適合做縮胃手術，減少食欲。

最近我收到呢位patient email，佢話好多謝我之前畀佢嘅意見，醫生已經安排遲啲會同佢做縮胃手術，同埋會安排營養師跟進佢嘅飲食習慣。佢話遲啲減肥成功，會再send 相畀我，見證佢嘅努力成果。

Dr Chan Wing Shung Edward

抽脂危險嗎?

近年，瘦身消脂成為中港兩地的熱門話題。不過,內地頻傳因「抽脂」減肥手術而出意外，引致輪廓臃腫變型,美容變毀容的新聞，令人聞之色變。愛美一族不禁要問:抽脂危險嗎?

抽脂是指從身體真皮層下抽取多餘的脂肪。其目的主要令身形體態變得輕型完美。有別於過往的抽脂觀念只質重減肥變瘦，現今的抽脂著重雕塑曲線體態。除了身形肥胖者適合抽脂手術, 身形適中者，也能通過抽脂減去一些以運動難以消除的肥胖部位,例如肚腩、腰兩側、前臂下的「拜拜肉」等。

有那些抽脂方法?

傳統的抽脂方法是把導管插入皮下組織，用力來回刮取，藉著吸力和拉扯抽出皮下脂肪，屬較快速的抽脂方法，而且創口僅4至5 毫米，大小僅如米粒，只需縫一針幫助癒合。不過傳統方式有其局限性，因為導管難深入脂肪較薄位置，也不容易控制拉扯力，倘操作不良或會造成皮膚凹凸不平，甚至有脂肪栓塞的風險。今時今日，較先進的方法會以激光,超聲波，微創或水力輔助。術後傷口只有3﹣4mm，創傷性大大減低，而且手術后的恢復也較快，傷口亦不明顯，風險也大大降低。

那一種抽脂方法是最好的?

   沒有那一種最好, 但各有特色及用處。水力抽脂抽出來的細胞，生存率最高，適合用於「自體脂肪轉移」，將自身的脂肪轉到需要脂肪的部位，例如乳房和臉部，達到豐胸,改善乳頭凹陷、兩邊乳房不對稱或兩頰凹陷的效果。激光溶脂或超聲波溶脂能抽脂同時收緊皮膚, 適合細小抽脂部位, 及皮膚鬆弛的位置. 傳統抽脂能夠抽取大面積之範圍. 當然,若能同時使用多種抽脂技術 如水力及激光,效果會相得益彰。

 

抽脂手術危險嗎?

在香港，因抽脂而死亡的案件屬個位數，大部份意外都是由麻醉過程出錯而引起。如果由具專業資格而又富經驗的醫生處理，抽脂其實相當安全，在香港的法律下，西醫需負責病人的生死安危，否則可能因失誤而被吊銷牌照。香港的抽脂手術大部份都會有麻醉師在場並由醫生主理，而且正規的手術室裡，無論設備、麻醉程序，以至通風消毒等，都會相當嚴格。

那怎樣找“對”的醫生?

香港醫生受醫委會嚴格監管，不可在媒體刊登宣傳廣告，所以要找一個富經驗的抽脂醫生並不容易，最好的方法是向你相熟的醫生查詢。

陳永崇醫生, 中文大學內外全科醫學士 

以上所提供的資訊僅作為教育及參考用途，如果你有任何醫療問題，

應向自己的醫生查詢，而不應單倚賴以上提供的資料。